Алдағы саммиттің күн тәртібінде Кеңес аясындағы көп қырлы қарым-қатынастарды, сауда, инвестиция, «жасыл» экономика, цифрлық технологиялар, көлік және коммуникациялар, мәдени-гуманитарлық алмасуды кеңейту бар болып, ұйымның қызметін одан әрі жетілдіру мәселелері қарастырылады.
Саммит қорытындысына орай ынтымақтастықтың тиімділігін арттыруға және басым бағыттар бойынша көпжақты әріптестікті нығайтуға бағытталған бірлескен құжаттар қабылданады деп күтілуде.
Мемлекет басшысының сапары бағдарламасында Ыстамбұлда да бірқатар екіжақты кездесулер жоспарланған.
Түркітілдес мемлекеттердің ынтымақтастық кеңесі 2009 жылы Түркітілдес елдердің арасындағы қарым-қатынасты жан-жақты нығайту мақсатында құрылған және бүгінде оған Өзбекстан, Түркия, Әзірбайжан, Қазақстан және Қырғызстан мүше. Венгрия елі Кеңес құрамында бақылаушы мәртебесіне ие.
