Оқушы жастарды әскери-отансүйгіштік рухында тәрбиелеу, олардың рухани-интеллектуалдық әлеуетін одан әрі арттыру, өткен күндерді жақсырақ сезінген жағдайда ата-бабаларымыздың тарихын жақыннан үйрену, жоғары рухани қасиеттерді байыту мақсатында ұйымдастырылған шараға мемлекеттік және қоғамдық ұйымдардың өкілдері, профессорлар, оқытушылар, тарихтанушы ғалымдар, әскери қызметшілер мен жастар қатысты.
Шарада тарихтанушы ғалымдар Әмір Темірдің әділетті қоғам құрудағы, халықтың әл-ауқатын қамтамасыз етудегі, өзара түсіністік, бауырмалдылық, мейірім-шапағат ортасын нығайтуға қатысты қағидаттарын атап өтті.
Шынында да, ұлы қолбасшының мемлекеттілік және дипломатиялық, жауынгерлік шеберлігі, шығармашылығы, ғылым, өнер мен сәулетшілікке қатысты көзқарастары, өмір, өнегелі істер жайлы пікірлері, әр мәселеде жеті өлшеп бір рет кесетін, ел мүддесін ойлап жұмыс істейтініне байланысты үлгі боларлық қасиеттері «Темір түзіктері» шығармасында толық жарияланған.
Шара барысында қолбасшылықтың құзырындағы «Истеъдод» көркемөнерпаздар үйірмесінің орындауындағы ән-күйлер көтеріңкі көңіл күй сыйлады. Шара соңында оны ұйымдастыруға атсалысқан белсенді жастар мен қатысушыларға Алғыс хат пен «Темір түзіктері» кітабы табыс етілді, деп хабарлайды Қорғаныс министрлігінің баспасөз қызметі.
