Кездесуде басты назар екі елдің ұйымдары арасында былғары-аяқ киім саласындағы ынтымақтастықты орнатуға және елдеріміздің кәсіпкерлеріне тиімді іскерлік қызметте іс жүзіндік көмек көрсетуге қаратылды.
Ақпарат үшін айта кетейік, «Атамекен Алма-ота» 2013 жылы құрылған, бүгінде 1000-нан астам кәсіпорын бұл ұйымға мүше. Ол Алматы қаласындағы кәсіпкерлік субъектілерінің барлық түрлеріне заңгерлік көмек көрсетіп келеді.
Диалог басында Қазақстан тарапына еліміздегі кәсіпкерлік орта, шетелдік және жергілікті инвесторлар үшін жасалып жатқан жағдайлар, кеден, салықтық жеңілдіктер, салаға қатысты Президент қаулылары, нормативтік-құқықтық құжаттар, өндірістік және экспорттық әлеует туралы толық ақпарат ұсынылды .
Іскерлік кездесу барысында қазақстандық бизнесмендер еліміздің кәсіпорындарымен кластер құру, инвестициялық жобаларды жүзеге асыру, аң терісі өнеркәсібі, көтерме сауда саласында жаңа жобаларды бірлесіп ұйымдастыру туралы бастамаларын ортаға салды.
Атап айтқанда, алматылық кәсіпкер қаладағы жұмыс істеп тұрған индустриялық аймақта былғары-аяқ киім өнімдерін шығаратын кластер құруға қызығушылық танытты. Ол бұл жобаны жүзеге асыруда Өзбекстанның үлкен тәжірибесін пайдалануға ниетті екенін мәлімдеді.
Бұл кластерлік жобаны Өзбекстаннан келген кәсіпкерлермен бірлесіп жүзеге асыруға да бастама көтерді. Сұхбатта еліміздің кәсіпорындары бұл жобаны үйреніп, келешегі зор жобаны бірлесіп жүзеге асыруға дайын екендіктерін жеткізді.
Осындай ірі жобалардың тағы бірі қаракөлшілік саласында жүзеге асырылатыны күтілуде. Қазақстан жеңіл өнеркәсіп кәсіпорындары қауымдастығының президенті осы бағытта Өзбекстанмен жобаны жүзеге асыру, сондай-ақ аутсорсинг негізінде қаракөл терісі талшықтарын өндіру бойынша өз ұсыныстарын білдірді.
Сондай-ақ, қазақстандық тарап өзбек кәсіпкерлеріне көтерме және бөлшек саудагерлермен ынтымақтастық бойынша бірқатар ұсыныстар жасады. Сонымен қатар, Алматыда сауда үйін ашу жөнінде пікір алмасты.
Екі ел арасындағы болашағы зор жобаларды іске асыру, ынтымақтастықты одан да кеңейту бойынша биыл күзде Ташкентте өтетін «UzCharmExpo-2022» 13- халықаралық көрмесі аясында былғары және аяқ киім саласындағы кәсіпкерлердің қатысуымен Өзбек-Қазақ бизнес форумын өткізуге келісілді.
«Атамекен» Алматы палатасының делегациясы мен оған мүше кәсіпорындардың күзгі көрмеге қатысуы туралы келісімге қол жеткізілді, деп хабарлайды «Узчармсаноат» бірлестігінің баспасөз қызметі.
