Өзбекстан Республикасы АКТ министрлігі делегациясының Испания Корольдігінде өткен «MWC Barcelona-2022» Дүниежүзілік мобильді конгресінде, Ақпараттық технологияларды және коммуникацияларды дамыту министрі Ш. Шерматов пен Бахрейн Корольдігінің Транспорт және телекоммуникациялар министрі Камол бен Ахмад Мухаммадпен кездесті.
Кездесу барысында Өзбекстан мен Бахрейн Корольдігі арасындағы ақпараттық-коммуникациялық технологиялар саласында, соның ішінде ІТ-кәсіпкерлікті дамыту ынтымақтастықты нығайту мәселелері талқыланды.
Атап айтқанда, Өзбекстанда Бахрейн ІТ-компанияларының өкілеттіктерін ашу және IT Park резиденттігіне тарту бойынша келіссөздер жүргізілді. Бүгінде елімізде отандық және шетелдік ІТ-бизнесті қолдап-қуаттауға барлық жағдай жасалған. IT Park мұнда визалар алуда, кәсіпорынды заңды түрде тіркеуге алу, жеңілдікпен нысандарды бөлуде, банктік шоттарды ашуда, салық жеңілдіктерін ұсынуда және білікті кадрларды таңдауда ұйымдастырушылық көмек көрсетеді.
Кездесуде резиденттіктен тыс, Өзбекстандағы стартап жобаларды қаржыландыру үшін бахрейндік IT-компанияларының венчурлық қорларын тарту мәселелері талқыланды.
Еліміздегі BPO және КПО-қызметтерін дамытуға бағытталған жобаларды жүзеге асыруға бахрейндік IT-компанияларды тарту мәселелеріне ерекше назар аударылды. Кездесуде Бахрейннің IT-компаниялары білікті жұмысшыларды бәсекелестік шарттар негізінде кеңінен жұмылдыруына мүмкіндік бар екені айтылды. Ол өз кезегінде, Өзбекстандағы жас және еңбекке қабілетті азаматтардың жұмыспен қамтылуын арттырып, жалақысы жоғары IT-мамандықтарға ие болу арқылы олардың табысын арттырады.
Сондай-ақ Бахрейннің мемлекеттік ұйымдары мен компанияларының 2022 жылғы 24-26 октябрь күндері АКТ апталығы аясында өтетін «ICT Week Uzbekistan» халықаралық цифрлық форумына қатысуға шақырылды.
Тараптар кең және өзара тиімді ынтымақтастық үшін зор мүмкіндіктер бар екенін атап өтіп, оларды одан әрі дамытуға дайын екендіктерін жеткізді, деп хабарлайды Ақпараттық технологияларды және коммуникацияларды дамыту министрлігінің баспасөз қызметі.
