АКТ министрлігінің делегациясы Барселонада (Испания Корольдігі) өтетін «MWC Barcelona-2022» Дүниежүзілік Мобильді Конгресіне қатысу үшін сапар аясында Ақпараттық технологияларды және коммуникацияларды дамыту министрі Шерзод Шерматовпен Huawei компаниясының Еуразиядағы аймақтық президенті Даниел Чжоумен кездесу өтті.
Мемлекеттік қызметтерді цифрландыру және электрондық үкіметті дамыту мәселелері бойынша «Ақ кітап» (Whitepaper) даярлауда халықаралық консалтингтік компанияларды тарта отырып, практикалық көмек көрсету мүмкіндігі қарастырылатыны айтылды.
Сондай-ақ жасанды интеллектті енгізу және тұрғындарға цифрлық қызметтерді көрсетуді кеңейту және жетілдіру үшін қолданыстағы АКТ инфрақұрылымын пайдалану бойынша ынтымақтастық мәселелері талқыланды.
Жергілікті жастарды жұмыспен қамту арқылы BPO және КПО қызметтерін дамытуға бағытталған жобаларды жүзеге асыруға Huawei компаниясының тікелей қатысуын қамтамасыз етуге ерекше назар аударылды.
Сондай-ақ кездесу барысында Өзбекстан Республикасының Ақпараттық технологияларды және коммуникацияларды дамыту министрлігі мен Huawei компаниясы арасында меморандумға қол қойылды. Тараптардың айтуынша, аталмыш меморандумда ақпараттық-коммуникациялық технологиялар саласындағы көпжақты ынтымақтастықты нығайтуға бағытталған нақты шаралар бар екенін атап өтті, деп хабарлайды Ақпараттық технологияларды және коммуникацияларды дамыту министрлігінің баспасөз қызметі.
