Шараны Премьер-министрдің орынбасары – Туризм және мәдени мұра министрі Азиз Абдухакимов ашты.
«Бұл мүсіншілік симпозиум Президент Шавкат Мирзиеевтың бастамасымен ұйымдастырылды», - деді Премьер-министрдің орынбасары. – Мақсат – ШЫҰ-ға мүше мемлекеттер саммитте геосаяси мәселелерді талқылап қана қоймай, Самарқанттың ерекше рухына ие болады.
Сонымен қатар, осы симпозиум арқылы жас мүсіншілерге тәжірибелі шетелдік мүсіншілердің жұмыстарын бақылап, үйренуге және тәжірибе жинақтауға мүмкіндік берілді.
Бұл жасалған өнер туындылары тарихта қалып, Самарқантта ШЫҰ саммиті сияқты тарихи оқиғаның өткенін еске салады деп ойлаймын».
Өзбекстан Суретшілер шығармашылық одағының төрағасы Ибрагим Валихожаев симпозиумның маңыздылығына тоқталып, отандық және шетелдік мүсіншілердің еңбегін жоғары бағалады.
Сондай-ақ шараға қатысқан қазақстандық мүсінші Ұлжан Жауғашева өз әсерімен бөлісті.
«Ғаламның барлық сыры, сұлулығы мен тарихы тастарда бейнеленген. Ал біз бұл сұлулықты жер бетіне шығаруымыз керек. Симпозиумда өз жұмысым арқылы адамдарға біз қандай ғажайып әлемде өмір сүріп жатқанымызды көрсеткім келеді, осы сезімді білдіргім келеді», - деді ол.
Ақпарат үшін, симпозиумға Өзбекстан, Иран, Үндістан, Ресей, Грузия, Қазақстан, Қырғызстан және Тәжікстан елдерінен мүсіншілер қатысуда. 10 сентябрьге дейін олар өз туындыларын «Ватанпарвар» саябағындағы алаңда жасайды. Содан кейін бұл өнер туындылары Самарқант көшелерін безендіреді.
Айта кету керек, ШЫҰ саммиті мен халықаралық көрмеге дайындық аясында Самарқантта шетелдік суретшілер де болды, деп хабарлайды Туризм және мәдени мұра министрлігінің баспасөз қызметі.
