Самарқант Маратхон Балалар Академиясы — бұл AСБ балалары үшін жаңа мамандандырылған шығармашылық алаңы болып табылады. Академия «Наурыз» саябағында орналасқан, онда шығармашылық және интербелсенді жаттығулар үшін барлық жағдай жасалған, соның ішінде: демалыс орны, шығармашылық жұмыс шеберханасы, ауласы, ата-аналарға арналған күту алаңы. Бұл академия жасөспірімдер мен жас балалар үшін.
«Біздің мақсатымыз – балаларымыздың әлеуметтік ортаға дұрыс интеграциялануына көмектесу, олардың бейімделуіне, тәуелсіз болуына және қоғамда лайықты орнын табуға бағыт-бағдар беру. «Самарқант марафоны» балалар академиясы да осы мақсатқа бағытталған алғашқы қадамдардың бірі.
Бұл орын ата-аналардың бірін-бірі қолдап-қуаттау, пікір және тәжірибе алмасуы мүмкін болған орынға айналады. Біз өнер және шығармашылық зерттеулер арқылы оңалту үдерісіне қолайлы ортаны жасау үшін жергілікті және халықаралық мамандарды жұмылдырамыз», - дейді Мәдениет және өнерді дамыту қоры кеңесі төрағасының орынбасары Саида Мирзияева.
Академия балалар мен олардың ата-аналары үшін оңалту орталығына айналады, бұл олардың шығармашылық қабілетін дамытуға көмек береді, деп хабарлайды Туризм және мәдени мұра министрлігінің баспасөз қызметі.
Мәдениет және өнерді дамыту қорының атқарушы директоры Гаяне Умерова: «Өзбекстан Республикасының Мәдениет және өнерді дамыту қорының ұйымдастыруымен 4 жылдан бері өткізіліп келе жатқан «Самарқант марафоны» – қайырымдылық жүгіру шарасы өткізілуде. Біз алдымызға қайырымдылық спорт және мәдени іс-шаралар арқылы Өзбекстанда инклюзивті ортаны дамыту жөнінде ауқымы кең міндетті қойғанбыз».