Өзбекстанда жылына орташа есеппен 750 мың ота жасалады. Әлемдік медицина жетістіктерін зерделеу мен қажетті жағдай жасаудың нәтижесінде республикалық орталықтарда жасалатын операциялар саны 350-ге дейін, облыс орталықтарында 130-ға дейін, аудандық ауруханаларда 60-қа дейін өсті. 32 ауруханада эндоваскулярлық хирургияның заманауи бөлімшелері ашылды.
Академик В.Вахидов атындағы республикалық мамандандырылған хирургия ғылыми-практикалық медициналық орталығы-бұл бағыттағы негізгі мекеме болып, оның аймақтарда 14 филиалы қызмет көрсетуде.
презентацияда орталықтың медициналық және ғылыми әлеуеті, өңірлерде жүргізілген сараптамалар нәтижелері туралы ақпарат берілді.
Жастарды қолдау және денсаулықты нығайту жылына орай қабылданған мемлекеттік бағдарламада аудандық және қалалық медициналық бірлестіктер базасында 35 ауданаралық бірлескен жарақаттар мен қан тамырлары ауруларының орталықтарын құру көзделген болатын. Осы мақсатта 2021 жылдың 26 шілдесінде Мемлекет басшысының «Халыққа көрсетілетін медициналық көмектің сапасын одан әрі жақсарту шаралары туралы» қаулысы қабылдады.
Бүгінде бұл орталықтар біртіндеп ашылып жатыр. Олардың әрқайсысы 50 орынға ие болады. Бұл заманауи орталықтар жоғары технологиялық оталарды аудандардың өзінде жасауға мүмкіндік береді.
Презентация барысында осыған байланысты жүргізілген жұмыстар Сырдария облысы Ақалтын ауданындағы аурухана мысалында қарастырылды. Ол облыстағы үш ауданның тұрғындарына қызмет көрсетеді. Президент жарлығына сәйкес, жақында орталық құны 1 миллион доллар тұратын құрал-жабдықтармен жабдықталды. Қазіргі уақытта телемедициналық диалогтар ұйымдастырылып, дәрігерлер оқытылуда.
Мемлекет басшысы ауданаралық орталықтарда жасалатын ота санын 79-ға дейін, ал облыстық деңгейде 168-ге дейін ұлғайтуға болатынын айтып, жауапты кісілерге бұл үшін қажетті жағдай жасауды тапсырды.
Республикада 500 науқас бауыр, 1,5 мың азамат бүйрек трансплантациясы отасына мұқтаж екенін білдірген. Хирургиялық бөлімшелердің жабдықталуы жеткіліксіздігі, білікті мамандардың жетіспеушілігі, иммуногенетикалық зерттеулерге арналған зертхананың болмауы саланың дамуына кері әсерін тигізуде.
Сондықтан Республикалық хирургия ғылыми-практикалық медициналық орталығын трансплантологияға бағыттау, иммуногенетикалық зертхана мен имитациялық орталық құру, Наманган, Самарқанд және Хорезм облыстарында бүйрек трансплантациясын жолға қою жоспарлануда.
Мемлекет басшысы озық технологиялар негізінде диагностика, хирургия және емдеу бойынша мамандарды даярлау және олардың біліктілігін арттыру үшін шетелдегі жетекші медициналық мекемелерге жіберу қажеттігін айтты.
Қаржы министрлігіне осы мақсаттарға қажетті қаражат бөлу, трансплантолог хирургтарға сараланған еңбекақы төлеу жүйесін енгізу тапсырылды.
