Кездесу барысында Өзбекстан-Америка қарым-қатынастарының бүгінгі жағдайы мен даму болашақтары туралы пікір алмасылды.
Сұхбатта парламентаралық байланыстарды кеңейтуге, саяси, сауда-инвестициялық, академиялық және мәдени-гуманитарлық салаларда сұхбатты екі мемлекет деңгейінде де, конгрессмендер өкілі болған Миссисипи және Иллинойс штаттарымен де тереңдетуге ерекше назар аударылды.
Конгресс өкілдер палатасындағы «Өзбекстан бойынша Кокус» қызметі ерекше талқыланды. Оның төрағасы конгрессмен Т. Келли. Кокус құрамы Өзбекстанмен стратегиялық серіктестікті жүйелі түрде дамытуды жан-жақты қолдап-қуаттайтын болашағы зор америкалық заң шығарушылардың есебінен қарқынды түрде кеңейіп жатқаны атап өтілді.
Екіжақты сауда-инвестициялық байланыстардың қарқынды дамып келе жатқаны ризашылықпен тілге тиек етілді. Конгрессмендер елімізде жүзеге асырылып жатқан әлеуметтік-экономикалық реформаларды қолдап-қуаттау шараларын қарастыруға дайын екендіктерін білдірді.
Ауғанстан мәселесі бойынша пікір алмасты. Тараптар осы елдегі күрделі гуманитарлық жағдайдың алдын алуда ынтымақтастыққа дайын екендіктерін білдірді.
Кездесуде екіжақты күн тәртібіндегі өзекті мәселелер, сондай-ақ елдеріміздің халықаралық ұйымдар аясындағы қарым-қатынастары да қаралды, деп хабарлайды Сыртқы істер министрлігінің баспасөз қызметі.
