Лого Лого-пв-уз

    Владимир Норов Черногория елшісін қабылдады

    2022 жылғы 29 июньде Өзбекстан Республикасы Сыртқы істер министрінің міндетін атқарушы Владимир Норов Черногорияның еліміздегі Төтенше және өкілетті елшісі ( резиденті Мәскеу қаласында) етіп тағайындалған Милорад Шчепановичті қабылдады.

    Сенім грамоталарын тапсыру рәсімінен кейін Өзбекстан Сыртқы істер министрлігінің басшысы Елшіні жоғары және жауапты  лауазымға тағайындалуымен құттықтап, оның қызметіне табыс тіледі.

    М.Шчепанович  шынайы қабылдау үшін ризашылығын білдіріп, Черногория Өзбекстанды аймақтағы басты мемлекет ретінде танитынын және республикамен ынтымақтастық жасауға баса назар аударуын хабарлады.

    Бүгінде елімізде өмірге енгізілген, республикадағы кең ауқымды реформалар ғана емес,  бүкіл Орталық Азиядағы саяси ортаның өзгертуіне қызмет етіп жатқан Жаңа Өзбекстанды дамыту стратегиясына жоғары баға берілді.  Республикадағы Негізгі заңға қосымша және өзгертулер енгізу бойынша жүргізілген жұмыстардың маңыздылығын ерекше мойындай отырып, Елші бұл бағыттағы Өзбекстанда  іс жүзіндегі азаматтардың құқықтары мен еркіндіктері  конституциялық деңгейде тиімді қорғаудың үлгісі болып табылатынын атап өтті.

    Соңғы жылдарда Өзбекстан-Черногория саяси диалогы қарқынды дамып келе жатқаны ризашылықпен атап өтілді. Тараптар әлем саясатының көптеген мәселелері бойынша жақын немесе ұқсас ұстанымдарға ие  болып, халықаралық институттар аясында бір-бірін қолдап-қуаттауда. Сонымен қатар қарым-қатынастардың келісімшарттық-құқықтық негіздерін кеңейту бойынша іс-шараларды қабылдау қажеттігі де тілге тиек етілді.

    Сауда-экономикалық қатынастарды жеделдету, сондай-ақ тауар айырбастау  көлемін ұлғайту, кәсіпкерлік субъектілері мен сауда-өнеркәсіп палаталары арасындағы тікелей диалогты кеңейту, түсті металлургия, машинажасау, фармацевтика, туризм салаларында біріккен инвестициялық жобаларды жүзеге асыру бойынша нақты ұсыныстар қарастырылды.

    Тараптардың мәдени-гуманитарлық саладағы ынтымақтастықты нығайтуға дайын екені атап өтілді. Елші Черногория өкілдері Өзбекстанда өтетін ірі халықаралық іс-шараларға қатысуға ниет білдіргенін айтты.

    Кездесуде халықаралық және аумақтық саясаттың өзекті жақтары, сондай-ақ Ауғанстандағы жағдай туралы да пікір алмасылды, деп хабарлайды Сыртқы істер министрлігінің баспасөз қызметі.

    No date selected
    August 2022
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates