Елшінің сенім грамоталарының көшірмелерін қабылдау кезінде Министр оны жаңа лауазымға тағайындалуымен құттықтап, дипломатиялық миссиясын жүзеге асыруға табыс тіледі.
Б.Геннад Алжир тарапы Жаңа Өзбекстанмен барлық бағыттарда қарым-қатынасты жан-жақты нығайтуға дайын екенін атап өтті. Еліміздің заманалық өркениеті, жүргізіліп жатқан жүйелі әлеуметтік-саяси және әлеуметтік-экономикалық өзгерістер мен қол жеткізілген жетістіктерге жоғары баға берілді.
Кездесу барысында Өзбекстан мен Алжир арасындағы саяси диалогты жеделдету, сонымен қатар өзара сапарларды ұйымдастыру, кеңесулер өткізу, парламентаралық байланыстарды дамыту, халықаралық институттар аясындағы ынтымақтастықты үйлестіру бойынша ұсыныстар қарастырылды.
Сауда-экономикалық саладағы бар әлеуетті іске асыру бойынша біріккен іс-шаралар қабылдау туралы келісімге қол жеткізілді. Атап айтқанда, Өзбекстандағы автомобиль және мұнай-газ өнеркәсібі, АКТ, тоқымашылық, ауыл шаруашылығы және тағы басқа да салалардағы инвестициялық жобаларды жүзеге асыруға Алжир компанияларының қатысуы туралы пікір алмасылды. Екі елдің сауда-өнеркәсіп палаталары және бизнес субъектілері арасындағы тікелей байланыстарды қолдап-қуаттау, сондай-ақ сауда үйлерін өзара негізде ашу мәселесін қарастырудың маңыздылығы атап өтілді.
Алжирден Өзбекстанға, әсіресе, әлемге әйгілі тарихи Ташкент, Самарқант, Бұхара және Хиуа қалаларына туристер ағынын арттыруға мүмкіндіктер бар екені айтылды.
Келіссөздерде халықаралық және аумақтық саясаттың бірқатар мәселелері де талқыланды, деп хабарлайды Сыртқы істер министрлігінің баспасөз қызметі.
