Елшінің сенім грамотасын қабылдай отырып, В.Норов оны қызметке тағайындалуымен құттықтап, дипломатиялық қызметіне табыс тіледі.
Кездесу барысында Өзбекстан-Мексика қарым-қатынастарының әлеуетін жан-жақты жүзеге асыру мәселелері талқыланды. Атап айтқанда, өзара сапарларды ұйымдастыру, министрлікаралық кеңесулер өткізу, ынтымақтастықтың келісім-шарттық-құқықтық базасын кеңейту, БҰҰ мен Америка мемлекеттері ұйымы аясындағы іс-әрекеттерді үйлестіру арқылы саяси-дипломатиялық қарым-қатынастарды жандандыру қажеттігі айтылды.
Экономикалық дипломатияны ынталандыру мақсатында тараптар іскер топтар арасында тікелей байланыстар орнату, бизнес-форумдар ұйымдастыру, электронды коммерция мен «цифрлық экономиканы», автомобиль өнеркәсібін, денсаулық сақтауды, фармацевтиканы, медициналық техниканы дамыту бойынша тәжірибе алмасады. Өзбекстаннан өнеркәсіп өнімдері мен ауыл шаруашылығы өнімдерін импорттаудың маңыздылығы тілге тиек етілді.
Білім саласындағы ынтымақтастықты нығайтуға ерекше көңіл бөлінді. Атап айтқанда, тараптар бірлескен білім беру бағдарламаларын жүзеге асыру, мексикалық оқытушылар мен мамандарды тарту, оқу семинарлары мен тренингтер өткізу мәселелерін қарастыруға дайын екендіктерін білдірді.
Елші Мексика Өзбекстанның аймақтағы маңызды орнын мойындай отырып, республикамен барлық салада қарым-қатынасты жан-жақты дамытуға дайын екенін атап өтті. Тараптар Өзбекстанның Ауғанстанға ауқымды гуманитарлық және басқа да көмек көрсету, осы елдің әлеуметтік-экономикалық және инфрақұрылымдық қайта құру жұмыстарына қатысу бойынша жүргізіп жатқан практикалық жұмыстарына жоғары баға берді, деп хабарлады СІМ баспасөз қызметі.
Келіссөздерге Өзбекстан Республикасы Президентінің Ауғанстан бойынша Арнайы өкілі Исматилла Иргашев те қатысты.
