Үстіміздегі жылдың 24 майында Инвестициялар және сыртқы сауда министрлігінде Өзбекстан Республикасы Үкіметі мен Қытай Халық Республикасы Үкіметі арасындағы Техникалық-экономикалық ынтымақтастық туралы келісімге қол қою рәсімі өтті.
Құжатқа Өзбекстан Республикасы Инвестициялар және сыртқы сауда министрінің бірінші орынбасары А.Воитов пен Қытай Халық Республикасының Өзбекстан Республикасындағы Төтенше және өкілетті елшісі Цзян Ян қол қойды.
Келісім Өзбекстан Республикасындағы әлеуметтік маңызы бар жобаларды бірлесіп жүзеге асыру үшін Қытай Халық Республикасы Үкіметінің 250 миллион юань (37,5 миллион доллар) грантын беруді көздейді.
Бүгінгі күнге дейін екі ел арасындағы техникалық-экономикалық ынтымақтастық аясында денсаулық сақтау, білім беру, ауыл және су шаруашылығы, мәдениет, көлік және т.б. жобалар жүзеге асырылды, деп хабарлайды Инвестициялар және сыртқы сауда министрлігінің баспасөз қызметі.
