Жапонияның жетекші баспа басылымдарының бірі — «Yomiuri Shimbun» газетінде Өзбекстанның туристік әлеуетіне арналған мақала жарияланды, деп хабарлайды «Дунё» АА тілшісі.
Басылымда елімізде туризм инфрақұрылымын дамыту және шетелдік туристер ағынын арттыру бағытында жүйелі шаралар жүзеге асырылып жатқаны жазылған.
Материалда Өзбекстан бірқатар елдердің азаматтары үшін елге кіру үшін визалық рәсімдерді жеңілдеткені атап өтілген. Атап айтқанда, Жапония азаматтарының Өзбекстанға кіру визалары 2018 жылдан бастап жойылды, делінген мақалада.
Жапон газеті Самарқант, Бұхара, Хиуа, Ташкент және басқа да тарихи қалалардың тарихы мен сәулет ескерткіштері туралы да жазған. Автор жапон тұрғындарын бір рет болса да еліміздің көне ескерткіштерін тамашалауға шақырды.
Мақалада Өзбекстанның Жапониядағы елшісі Мухсинхужа Абдурахмановтың жапониялық туристерді елімізге шақыру туралы үндеуі де орын алған.
Анықтама үшін: Жапонияның әмбебап болған баспасөзі «Ямиури шимбун» газеті 1874 жылдан бері әркүні шығады. Оның күнделікті таралымы 8 миллион дананы құрайды.
