Бұл туралы Цифрландыру министрлігі хабарлады.
Айтылуынша, Американың Amazon Leo компаниясы мен «UZ-SAT» ҚК ЖШҚ
арасында Өзбекстан аумағында жоғары жылдамдықты спутниктік интернет қызметтерін
енгізу жөнінде келісімге қол жеткізілді.
Amazon Leo — бұрын Project Kuiper атауымен
белгілі болған Amazon компаниясының төмен орбиталы жасанды серік желісі болып, ол бүкіл әлем бойынша жоғары жылдамдықты әрі кідірісі
аз интернет қызметтерін ұсынуға арналған. Жоба 3 000-нан астам жасанды серіктен тұратын жаһандық желіге негізделген.
Келісімге
сәйкес, бұл қызмет Өзбекстанда тек қалаларда ғана емес, сонымен қатар
телекоммуникациялық инфрақұрылымы жеткілікті деңгейде дамымаған немесе мүлде
жоқ шалғай және жетуі қиын аймақтарда да интернетті пайдалануға мүмкіндік
береді.
Жүйеде
жасанды серік өзара жоғары жылдамдықтағы оптикалық байланыс арқылы қосылған.
Сонымен қатар олар жердегі қауіпсіз шлюз станцияларымен, талшықты-оптикалық
желілермен және интернет алмасу нүктелерімен интеграцияланған. Пайдаланушылар
желіге Leo Nano, Leo Pro және Leo Ultra терминалдары арқылы қосылады.
Аталған
келісім жүзеге асқан жағдайда, Өзбекстандағы жасанды серік интернет қызметтері
нарығындағы бәсекелестік күшейеді, шалғай өңірлерде цифрлық қызметтерді
пайдалану мүмкіндіктері кеңейеді, сондай-ақ мемлекеттік және жеке сектор үшін
жаңа технологиялық шешімдер пайда болады деп күтілуде.
Сонымен
қатар, қызметтің елде нақты қашан коммерциялық негізде іске қосылатыны,
тарифтері мен абоненттік құрылғылардың бағасы әзірге жарияланған жоқ. Бұл мәліметтер жобаның келесі кезеңдерінде белгілі
болатыны
айтылуда.
