Бугун, Олий Мажлиси Сенати раиси Танзила Норбоева Бухоро вилоятига ташрифи доирасида Қоракўл туманида бўлди. Дастлаб Сенат раисининг Халқ депутатлари Қоракўл туман кенгаши депутатлари ва сиёсий партияларнинг маҳаллий ташкилотлари етакчилари, сўнгра, "Эскиқалъа" маҳалла аҳли билан учрашди.
Тадбир давомида бу ерда яшовчи 10 нафардан ортиқ болажонлар учун суннат тўйлари бўлиб ўтди. Янги ўқув йилига тайёр бўлган мактабгача таълим ва мактаб ёшидаги болажонлар учун ҳам бугунги тадбир алоҳида аҳамиятга эга бўлди.
Ҳудудда жойлашган -3 ижтимоий уй ертўласи тўлиқ қайта таъмирланиб, "Мергантекс" МЧЖ ташаббуси билан 20 нафар аёлларни иш билан таъминлашга мўлжалланган тикув цехига мослаштирилган. У ерда фаолият бошлайдиган хотин-қизларга замонавий тикув машинкалар тарқатилди. Мулоқот давомида Т.Норбоева, Президентимиз томонидан Бухоро вилояти бўйича катта режалар белгиланганлигини, ҳаммасининг тагида битта нарса — инсон манфаати бор эканлигини таъкидлади.
Ҳақиқий кечага айланган байрам тадбирида йиғилганларни Олий Мажлиси Сенати раиси Танзила Норбоева ва Қоракўл тумани ҳокими Шерали Саломовлар мустақиллигимизнинг 30 йиллиги билан самимий қутлади.
Ўзининг уйида ҳаёт бошлаган янги эскиқалъаликларга тинчлик ва фаровонлик тиланди. Санъаткорлар томонидан янграган шўх куй ва тароналар барча йиғилганларга байрамона кайфият улашди.
