Унда бир қатор масалалар муҳокама қилинди. Жумладан, 14-18 сентябрь кунлари ўтказиладиган “Ипак йўли дурдонаси” XIV Тошкент халқаро кинофестивали ҳамда унинг доирасида “Кино 5 кунда” лойиҳаси бўйича Корея Республикасининг иштироки кўриб чиқилди. Кореялик киноижодкорлар фестивалга ўзларининг бир қатор фильмлари билан иштирок этиши айтиб ўтилди.
Сентябрь ойида Кореядан таниқли блогер ташриф буюриб, Ўзбекистон ҳақида ҳужжатли фильм тайёрлаши ва уни кинофестиваль давомида омма эътиборига тақдим этиши таъкидланди.
Шу билан бирга, Корея-Ўзбекистон ҳамкорлигида кинофильм суратга олиниши белгиланди. Учрашув сўнгида кейинги йил Кореяда “Ўзбек киноси кунлари”ни ўтказиш ҳам режалаштирилди.
Кинематография агентлиги Ахборот хизмати
