Юқоридаги келишувларга асосан танловдан муваффақиятли ўтган фуқароларнинг 50 нафари белгиланган тартибда тиббий кўрикдан ўтиб, суғурта хизматлари кўрсатилди ва Фарғона халқаро аэропорти орқали Владивостокка жўнаб кетди. Шуни таъкидлаш жоизки, йўл ва турар жой харажатлари иш берувчи томонидан қопланади.
Шунингдек, Агентлик ва Россия Федерациясининг «МобиСтафф» корхонаси ўртасида имзоланган келишувга асосан 9 нафар фуқаро Тошкент - Москва йўналишидаги авиарейси, «Промекскавация» корхонаси ўртасида имзоланган келишувга асосан 32 нафар фуқаро Бухоро - Челябинск йўналишидаги авиарейс орқали ишлаш учун ташкилий тартибда Россияга жўнатилди.
Хорижга вақтинчалик меҳнат фаолиятини амалга ошириш учун кетаётган фуқаролар билан тарғибот-ташвиқот ишлари олиб борилди. Уларга тарқатма материаллар берилди, деб хабар беради Ташқи меҳнат миграцияси агентлиги матбуот хизмати.
