2023-2024 ўқув йили учун мақсадли қабул параметрлари ва қабул параметрларининг тиллар кесимидаги тақсимоти Билимни баҳолаш агентлигининг my.uzbmb.uz сайтига жойлаштирилди.
Абитуриентлар мазкур сайтнинг “Олий таълим муассасаларининг бакалавриатига қабул” бўлими орқали онлайн рўйхатдан ўтади.
Бунда абитуриентлар фанлар мажмуаси ҳамда кетма-кетлиги бир хил бўлган 5 тагача бакалавриат таълим йўналиши бўйича танловда иштирок этиши мумкин.
Рўйхатдан ўтиш 20 июлгача (20 июль куни ҳам) давом этади.
Чет тилидан касбий (ижодий) имтиҳон ўтказиладиган бакалавриат таълим йўналишларига онлайн рўйхатга олиш эса 10 июлгача (10 июль куни ҳам) амалга оширилади.
Белгиланган муддат давомида абитуриентлар ўз маълумотларини ўзгартиришлари ҳамда чет тилидан сертификатга эга бўлса, сертификат маълумотларини тизимга киритишлари мумкин.
