Мазкур қарорга асосан, истеъмол ва техник этил спирти, алкоголь ва тамаки маҳсулотлари ишлаб чиқариш фаолиятига лицензия бериш, лицензиянинг амал қилишини тўхтатиб туриш ёки тугатиш, шунингдек, уни бекор қилиш ва қайта расмийлаштириш тўғрисидаги қарорлар истеъмол ва техник этил спирти, алкоголь ва тамаки маҳсулотлари ишлаб чиқариш фаолиятини Вазирлар Маҳкамасининг лицензиялаш комиссияси томонидан қабул қилиниши белгилаб берилган.
Соҳада ва айнан лицензия бериш борасида шаффофликни таъминлаш, маҳсулот сифатини қатъий назорат қилиш ҳамда фаолият юритаётган корхоналарга қулайлик яратиш мақсадида жорий йилнинг 1 январидан шу кунга қадар 66 та корхонага 188 турда истеъмол этил спирти ва алкоголь маҳсулотлари ишлаб чиқариши учун лицензия берилди.
Қолаверса, Ўзбекистон Республикаси алкоголь ва тамаки бозорини тартибга солиш ҳамда виночиликни ривожлантириш агентлиги томонидан ўзига юклатилган вазифа ва ваколатлардан келиб чиқиб, Ўзбекистон Республикаси Вазирлар Маҳкамасининг 2020 йил 20 майдаги 301-сонли қарори билан тасдиқланган “Алкоголь маҳсулотларининг улгуржи савдоси бўйича фаолиятни лицензиялаш тартиби, шунингдек, лицензия талаблари ва шартларини бузганлик учун қўлланадиган чоралар ва санкциялар тўғрисида”ги Низом талабларига асосан, 105 та корхонага алкоголь маҳсулотлари билан улгуржи савдони амалга ошириш учун лицензия берилди.
Энг муҳими, Ўзбекистон Республикаси алкоголь ва тамаки бозорини тартибга солиш ҳамда виночиликни ривожлантириш агентлиги томонидан хўжалик юритувчи субъектларга лицензия берилишида ортиқча оворагарчиликларни олдини олиш, шунингдек лицензия берилишида инсон фактори қатнашишини чеклаш мақсадида лицензия талабгорларидан ҳужжатлар электрон кўринишда олиш ҳамда талабгорларга ортиқча юклама бўлмаслиги мақсадида тегишли органлардан хулосалар бевосита Агентлик томонидан олиш механизми йўлга қўйилган.
Соҳада фаолият олиб бораётган тадбиркорлар ўз маҳсулотини қонунийлаштириш учун шу кунга қадар қатор муаммоларга дуч келиб, сарсону саргардон бўлиши мана бугун ушбу тадбирлар сабаб унутилди.
