"Об-ҳаво билан боғлиқ ҳодисаларда камида 23 киши ҳалок бўлди. Одамлар Оклахома, Кентукки, Миссури, Висконсин, Канзас, Небраска, Оҳайё, Нью-Йорк, Колорадо ва Мичиган штатларида ҳалок бўлди", - дейилади телеканал хабарида.
Камида 10та штатда кузатилаётган ҳароратнинг кескин пасайиши, қор ёғиши, кучли шамол, қор кўплаб автоҳалокатларга, электр узатиш симларининг узилишига, парвозларнинг кечикишига олиб келди. Оҳайё штатида туман ва йўллар музлаши оқибатида 50та автомобиль иштирокида тўқнашув содир бўлди, 4 киши ҳалок бўлди.
Мичиган штатида 82 ёшли аёл қариялар уйи олдида кўчада музлаб қолган ҳолда топилди. Шанба куни 2600 дан ортиқ рейслар бекор қилинди. Деярли 400 минг уй хўжаликлари ва корхоналар (1,6 млн киши) электр таъминотисиз қолмоқда.
