Сайёранинг шаклланиши Ердан 5000 ёруғлик йили узоқликда жойлашган V960 Mon юлдузи яқинида содир бўлди.
Олимлар юлдузни кузатишни 2014 йилда бошлаган, ўшанда унинг ёрқинлиги 20 бараварга ошган, бир неча ойдан кейин эса яна пасайган. Мазкур жараённинг сабаби номаълумлигича қолмоқда.
Янги тадқиқот V960 Mon яқинида ҳамроҳ юлдуз борлигини аниқлади. Бундан ташқари, у ўралган спирал “қўллар”га эга, бу ерда газ ва чанг аста-секин бирлашиб, сайёраларга айланади.
Олимларнинг таъкидлашича, улар биринчи марта ёш юлдуз атрофида мазкур жараённи аниқлашга муваффақ бўлишди, бу эса улкан сайёраларнинг юзага келишига олиб келиши мумкин. ALMA телескопи тасвирлари газ ва чангнинг тобора яхлитлик ҳосил қилаётганини кўрсатди.
Сайёраларнинг юзага келишини кузатиш олимларга қуёш тизимининг эволюциясини яхшироқ тушуниш имконини беради, деб хабар беради mir24.tv.
