Унга фан ва маданият намояндалари, дипломатик корпус ва халқаро ташкилотлар вакиллари таклиф этилган.
Франция Республикасининг Ўзбекистондаги Фавқулодда ва мухтор элчиси Аурелия Бушез фильм ҳақида ўз фикрларини билдирди.
— Ушбу фильм асосан ўзбек-француз лойиҳаси эканлигини ҳисобга олсак, фильм премъерасида меҳмонлари қаторида бўлганимдан мамнунман. Ушбу фильм туфайли томошабинлар жорий йилнинг ноябрь ойида очиладиган Луврда бўлажак кўргазма кўлами ҳақида биринчи таассуротга эга бўлишади.
Фильм устида ишлаган барчага, хусусан Маданият ва санъатни ривожлантириш жамғармаси Кенгаши раисининг ўринбосари Саида Мирзиёева, унинг ижрочи директори Гаяне Умерова хоним ва шунингдек, Лувр музейи маъмурияти ҳамда АРТЕ телеканалига умумий мақсадлар йўлида самарали ҳамкорлик қилгани учун алоҳида миннатдорчилик билдираман.
Таъкидлаш жоизки, мазкур кўргазма ва ундан олдинги асарлар ҳамда Париждаги кўргазманинг ўзи Ўзбекистон ва Франция ўртасида ўрнатилган самарали маданий алоқаларнинг ажойиб иллюстрациясидир.
Фильм ва кўргазма Франция жамоатчилигини мамлакатингизнинг бой маданий мероси билан яқиндан таништиришга ёрдам беради. Ҳозирча кўпчилик францeзлар Ўзбекистон ҳақида фақат Марказий Осиёдаги аҳоли энг зич жойлашган, жуда тез ривожланаётган ва минтақада сиёсий обрў-эътиборга эга бўлган давлат эканлигини ва у ерда машҳур Самарқанд ва Бухоро шаҳарлари жойлашганини билишади.
Франция халқи улар ҳақида ҳақиқатан ҳам эшитган ва қадимда карвон йўллари ўтган, бой маданияти ва тарихи билан боғлиқ бўлган жойларни ўз кўзлари билан кўришни орзу қилади. Мамлакатимиздан Ўзбекистонга сайёҳлар оқими йилдан-йилга ортиб бораётганининг сабаби ҳам шу.
Ҳозирда сизга йилига 20 000 киши келади. Ишонч билан айта оламанки, яқин келажакда Лувр музейидаги кўргазма туфайли бу кўрсаткич анча юқори бўлади, чунки унга йилига 10 миллион киши ташриф буюради ва бу нафақат Франция ва қўшни мамлакатлар аҳолиси, балки бутун дунёдан келган санъат ихлосмандларидир!
Биз гапираётган кўргазма ҳақиқатдан ҳам ўзига хос бўлади. Унинг кўплаб экспонатлари археологик қазишмалар пайтида нисбатан яқинда топилгани учун биринчи марта оммага тақдим этилади. Айтиш жоизки, француз археологлари Ўзбекистон ҳудудида жуда жадал ишламоқда. Айниқса, кўргазманинг куратори бўлган машҳур археолог жаноб Рокко Рантени алоҳида таъкидлаб ўтиш лозим.
Маданият ва санътни ривожлантириш жамғармаси Ўзбекистон маданий меросини асраб-авайлашга ўз ҳиссасини қўшаётгани ва бу борада Франция тажрибасига таянаётганидан жуда хурсандман.
