Ҳеч ким жабрланмади – кириш қисми аввалроқ авария ҳолатда деб эълон қилинганди ва барча аҳоли хавфсиз жойга кўчирилганди.
Ҳодиса тахминан соат 8:10 да содир бўлган. Гап яшалмайдиган ва фойдаланилмаган, аввал расман авария ҳолатида, деб эълон қилинган ва бузилиши керак бўлган кириш қисми ҳақида бормоқда.
Балхаш шаҳар маъмурияти воқеа пайтида аҳоли учун ҳеч қандай хавф юзага келмаганини таъкидлади.
Бешинчи кириш қисми 2025 йилда Қозоғистон Республикаси қонунчилиги талабларига мувофиқ ўтказилган техник хулоса ва қурилиш экспертизаси асосида авария ҳолатида деб топилганди. Аҳоли олдиндан кўчирилганди, хонадонлар яшаш учун яроқсиз деб топилган эди, деб хабар берди Балхаш шаҳри ҳокимияти.
Шаҳар ҳокимиятининг маълумотларига кўра, қулаш пайтида кириш қисмида ҳеч ким бўлмаган. Жабрланганлар йўқ. Бино ўраб олинган ва ҳалокат юз берган ҳудудга кириш чекланган. Коммунал хизматлар – электр энергияси, иссиқлик ва сув таъминоти белгиланган тартибда ўчирилди.
Ҳозирда бешинчи кириш қисмини демонтаж қилиш ишлари олиб борилмоқда. Бу иш қурилиш ва саноат хавфсизлиги талабларига мувофиқ амалга оширилмоқда.
Демонтаж ишлари якунланганидан сўнг қолган тўртта подъезд бўйича қўшимча техник кўрик ва қурилиш экспертизаси ўтказилади. Кейин уларнинг конструкцияларини мустаҳкамлаш учун лойиҳа-смета ҳужжатларини ишлаб чиқиш режалаштирилган, дея аниқлик киритишди Балхаш шаҳар ҳокимияти.
Бинодан фойдаланиш бўйича кейинги қарорлар экспертиза натижалари олингандан сўнг эълон қилинади, деб хабар берди inform.kz.
