Бу ҳақда India Today телеканали хабар берди.
Эълон қилинган фотосуратларда таҳририятларнинг ёниб кетган деворлари ва бутунлай ёниб кетган ички қисмлари акс этган.
19 декабрга ўтар кечаси Даккада оммавий норозилик намойишлари 12 декабрь куни Бангладеш пойтахтида содир этилган суиқасд пайтида олган жароҳатлари туфайли Сингапур шифохонасида вафот этган ёш сиёсий фаол Шарифа Османа Хадининг ўлими ортидан бошланди. 32 ёшли Хади 2024 йилги ҳукуматга қарши намойишлар етакчиларидан бири эди. У Ҳиндистоннинг Бангладеш ички сиёсатидаги таъсирига қарши чиққанди.
Хадининг ўлими ҳақидаги хабар тарқалгач, минглаб одамлар Дакка ва мамлакатнинг бошқа шаҳарлари кўчаларига чиқди. Улар расмийларни ёш сиёсатчини ҳимоя қила олмаганликда айблашди. Намойишчилар Prothom Alo ва Daily Star газеталари офисларидан ташқари собиқ ҳукмрон “Авами лиг” партияси офисига ўт қўйишди. Улар ҳинд дипломатининг қароргоҳига ҳам тош отишган.
Бангладеш муваққат бош вазири Муҳаммад Юнус йиғилишда сўзга чиқиб, тинчликка чақирди. У 20 декабрни Хадининг ўлими муносабати билан миллий мотам куни деб эълон қилди. Юнус, шунингдек, унинг ўлдирилишида айбдорлар топилиб, жазоланишига ваъда берди. Бангладеш хавфсизлик кучлари шай ҳолатга келтирилди, деб хабар берди report.az.
