Эммануэл Макрон аслида Байрутга кўрилган зарарни кўздан кечириш учун келган эди. Аксига олиб, шу ерга тўпланган аҳоли «Тизим қуламоқда», «Президент Мишел Аун — террорист», деган айбловлар билан ўз ҳукумати раҳбарини шарманда қилган. Бу видео ижтимоий тармоқларда ҳам кенг тарқалишга улгурди. Макрон Байрутдаги ёмон шикастланган Геммайзе кўчасида бўлиб, қурбонларнинг гапларини тинглади.
Эслатиб ўтамиз, Макрон Байрутдаги портлаш муносабати билан Ливан аҳолиси учун халқаро қўллаб-қувватлаш дастурини амалга ошириш ниятида эканлигини айтганди. Шунингдек, Ливандаги Украина элчихонаси ҳам портлашда жароҳат олган 30 украиналикка кичик молиявий ёрдам берилишини маълум қилган.
