4 ноябрь куни соат 18:00 да “Қўрқут ота” кинофестивали доирасида “Ўзбекистон киноси кунлари” ҳам бўлиб ўтади.
Байрам дастурида ўзбек кино юлдузлари, актёрлар ва режиссёрлар билан ижодий учрашув ташкил этилади.
Шунингдек, Дилмурод Масаидовнинг “АЁЛ ҚИСМАТИ”, Акром Шохназаровнинг “101 РЕЙС” ва Иброҳим Расуловнинг “МУҲАББАТ БАҲОРИ” фильмлари намойиши бўлиб ўтади. Бу ҳақда Кинематография агентлиги Ахборот хизмати.
Маълумот учун:
Ўтган йили Истанбул шаҳрида ўтказилган кинофестивалга 13 та давлатдан юздан ортиқ кино ижодкорлари ташриф буюрган эди. Халқаро анжуманда Туркиядан ташқари Қозоғистон, Ўзбекистон, Қирғизистон, Озарбайжон, Туркманистон, Венгрия, Эрон, Украина ва Шимолий Кипрдан кино усталари иштирок этишган ва 42 та фильм қатнашган конкурс дастурида икки ўзбек фильми эътироф этилганди. Рашид Маликовнинг “Тутқунлик” фильми жюрининг махсус унвонини қўлга киритган бўлса, Али Ҳамроевнинг “Халқ жасорати” фильми ҳужжатли фильмлар категориясида иккинчи ўринни эгаллаган.
