У пандемияга қарши курашда муҳим аҳамият касб этиши мумкин деди, — Антониу Гутерриш.
БМТ Бош котиби Антониу Гутерриш Жаҳон соғлиқни сақлаш ташкилоти (ЖССТ) Россиянинг коронавирусга қарши вакцинасига имкон қадар тезроқ сертификат беришига ишоняпти. У ТАССга берган эксклюзив интервьюсида «Ҳозир Россия ҳукумати ва ЖССТ раҳбарияти ўртасида музокара кетаётганини биламан, ва ишонаманки, бу алоқалар Россия вакцинасининг ЖССТ томонидан тезроқ тан олинишига ва сертификатланишига олиб келади», — деган.
“ Ягона шарт шундаки, биз фақат ЖССТ томонидан тасдиқланган вакцинадан фойдаланишимиз мумкин. Россиянинг коронавирусга қарши вакцинаси БМТ миссияларида энг ҳимояга муҳтож жойларда, ходимларимиз учун, қолаверса, тинчлик ўрнатилишига қаратилган операцияларимиз давомида биз қўллаб турган маҳаллий аҳоли учун вакцина зарур бўлган жойларда қўлланилиши мумкин ва у пандемияга қарши курашда муҳим роль ўйнайди», — деб фикр билдирган Гутерриш.
Ўтган йили сентябрда Россия Президенти Владимир Путин БМТ Бош Ассамблеясида трансляция қилинган нутқида Россия БМТ ходимларини «Спутник V» вакцинаси билан бепул таъминлашга тайёр эканлиги ҳақида эълон қилган.
