Жорий йил мавсум кашфиётига айланган самарқандлик Шарофиддин Амриддинов бугун супага чиқади.
Ёш ҳамюртимиз -102 килограмм вазн тоифасининг "В" гуруҳида иштирок этади. Беллашув Тошкент вақти билан 21:30 да старт олади. Чемпионлик учун курашадиган "А" гуруҳи вакилларининг чиқиши эса 14 декабрь куни тонг соат 05:00 га белгиланган. Шундан сўнг ҳамюртимизнинг мусобақада эгаллаган якуний поғонасини билиб олишимиз мумкин бўлади.
Эслатиб ўтамиз, кеча Ўзбекистон терма жамоасининг икки нафар вакили мазкур нуфузли чемпионатдаги иштирокини тугатган эди. Жумладан, -81 килограмм вазн тоифасида кечган беллашувларда Оғабек Тўхтаев ҳамда Муҳаммадқодир Тоштемиров иштирок этиб, Тўхтаев 326 (140+180) килограмм билан 11, Тоштемиров эса 343 (156+187) килограмм билан 7-натижани қайд этди. Мазкур йўналишда олтин медаль хитойлик Ли Дайинга насиб этди.
