Бухоро тумани ҳудудида жойлашган 1 гектар ер майдонда ҳунармандчилик маркази ташкил этилди. Бу ерда қисқа вақт ичида қурилиш-таъмирлаш ишлари олиб борилди. Марказ асосий уч бинога бўлинган. Биринчи бинода тасвирий санъат музейи, ресторан ҳамда сайёҳлар учун меҳмонхона ўрин эгаллаган.
Иккинчи бинода Бухоро ипак қоғози, каштачилик намуналари, сомондан тасвирий санъат асарлари тайёрланади. Учинчи бинода эса ёғоч ўймакорлиги устахонаси жoйлашган.
Марказда ҳозирда Акмал Муҳиддинов бошчилигида 30дан ортиқ ҳунарманд юқорида келтирилган йўналишларда иш фаолиятини олиб боради. Бундан ташқари, ҳозирда фаолияти йўлга қўйилган ҳунармандчилик йўналишларидан ташқари тош ўймакорлиги, хаттотлик, миниатура йўналишларида ҳам ўқув курслари ташкил қилинади.
