Қайд этилишича, қурилма сув остига шўнғиш ишларини ташкил қилган OceanGate Expeditions компанияси илтимосига кўра жўнатилади.
Буюк Британиянинг Magellan компаниясининг масофадан бошқариладиган қурилмаси Саут-Шилдсда жойлашган бўлиб, ҳозирда Жерси аэропортида C17 самолётига юкланмоқда.
Нашрнинг ёзишича, қурилма 48 соат ичида, яъни батискафда кислород тугаганидан кейин етиб боради.
Атлантика океанида беш нафар экипаж аъзоси билан ғойиб бўлган сайёҳлик сув ости кемаси – “Титан”да яқин бир неча соат ичида кислород тугаши мумкин. Ҳозирда қидирув-қутқарув операцияси давом этмоқда.
1912 йилда Атлантика океанинг шимолий қисмида 3,8 километр чуқурликда чўкиб кетган океан лайнери “Титаник” вайроналари олдига тушиш вақтида ичида туристлар бўлган батискаф ғойиб бўлди. Американинг OceanGate Expeditions компаниясига тегишли сувости кемаси бортида унинг асосчиси Стоктон Раш, француз денгиз фахрий тадқиқотчиси Поль-Анри Наржеоле, британиялик миллиардер ва космик сайёҳ Хамиш Хардинг, покистонлик тадбиркор Шаҳзода Довуд ва унинг ўғли Сулеман бор.
Канаданинг сув ости кемаларига қарши P-3 самолёти сув остидаги шовқинларни аниқлаганидан кейин ижобий натижага умид пайдо бўлди ва қутқарувчилар ишга киришиди, аммо бундан натижа чиқмади. Қутқарувчилар овозларни ажрата олишмади ва у батискафдан келган сигнал эканлигини тасдиқлай олишмади.
OceanGate Expeditions 250 000 доллардан бошланадиган етти кунлик “Титаник” олдига шўнғиш экскурсиясини реклама қилганди, деб хабар беради ria.ru.
