Шу муносабат билан 2022 йил 1 декабрдан “Навоий” (Ўзбекистон) – Капланбек (Қозоғистон) чегара божхона постларида юк ва енгил автотранспорт воситалари ҳамда фуқаролар ҳаракати;
2023 йил 15 февралдан Қозоғистонга чиқиш йўналишида “С.Нажимов” (Ўзбекистон) – “Казигурт” (Қозоғистон), “Сирдарё” (Ўзбекистон) – “Атамакен” (Қозоғистон) ўтказиш пунктларида енгил автотранспорт воситалари ҳамда фуқаролар ҳаракати вақтинча чекланган.
Натижада аксарият фуқаролар ва енгил автотранспорт воситалари ҳайдовчилари “Ғишткўприк” чегара божхона пости орқали ҳаракатланмоқда ва тирбандликлар кузатилмоқда.
Ҳозирда мазкур йўналишда “Яллама” (Ўзбекистон) – “Б.Конисбаев” (Қозоғистон) чегара божхона пости туну кун фаолият кўрсатмоқда.
Шунингдек, “Малик” (Ўзбекистон) – “Сирдарё” (Қозоғистон), “Оқолтин” (Ўзбекистон) – “Селинний” (Қозоғистон) чегара ўтказиш пунктлари орқали эса куннинг ёруғ вақтида енгил автотранспорт воситаларида ҳамда пиёда ҳолда ҳаракатланиш мумкин.
“Ғишткўприк” (Ўзбекистон) – “Жибек Йўли” (Қозоғистон) чегара божхона постлари орқали эса пиёдаларнинг ҳаракатланишлари тавсия қилинади.
