Бугун соат 18:50 ларда, Тошкент шаҳар, Чилонзор тумани, Бунёдкор кўчасидаги автомобиль кўприги устида, «LACETTI» русумли автомобиль йўлнинг қарама-қарши қисмига ўтиб кетиб, қаршисидан келаётган «IVECO» русумли махсус эвакуатор билан тўқнашган.
Натижада «LACETTI» автомашинасининг 22 ёшли ҳайдовчиси тан жароҳати билан шифохонага олиб кетилган.
Аниқланишича, йўл транспорт ҳодисаси «LACETTI» автомашинаси ҳайдовчисининг эҳтиётсизлик туфайли бошқарувни йўқотганлиги туфайли келиб чиққан.
Мазкур ҳолат юзасидан Чилонзор тумани ИИО ФМБ ЙҲХБ томонидан суриштирув ишлари олиб борилиб, ЙТҲ сабабларига аниқлик киритилмоқда.
Ўзбекистон Республикаси ИИВ ЙҲХББ Ахборот хизмати.
