Мутахассислар бир неча минг рақамли тасвирларни бирлаштириб, “Титаник”нинг 3D реконструкциясини яратишди. Олинган тасвирларда бошқа нарсалар қатори, занг сталактитларни, серия рақамини ва аввал мавжуд бўлган зинапоянинг бир вақтлар турган жойи устидаги туйнукни кўриш мумкин.
Тадқиқотчилар тасвирларни ўрганиш “Титаник” билан содир бўлган фалокат тафсилотларини яхшироқ тушуниш имконини беради, деб ҳисоблаяпти.
Саутгемптондан Нью-Йоркка илк саёҳатини амалга оширган океан лайнери 1912 йил 14 апрелдан 15 апрелга ўтар кечаси айсберг билан тўқнашиб, чўкиб кетган. Унинг бортида бўлган 2224 кишидан 1517 нафари ҳалок бўлган.
Кема қолдиқлари Ньюфаундленд қирғоқларидан тахминан 350 денгиз миляси узоқликда жойлашган. Фалокат пайтида “Титаник” иккига бўлинган.
“Титаник” Magellan Ltd томонидан суратга олинган. Сув ости кемалари 200 соат ичида турли бурчакдан 700000 та фотосурат олди. Натижада чўкиб кетган кеманинг тўлиқ кўриниши яратилди, деб хабар беради mir24.tv.
