Бош прокуратура ҳузуридаги Департаментнинг Наманган вилоят бошқармаси томонидан ўтказилган тезкор тадбирда, Чортоқ тумани қишлоқ хўжалиги бўлими бошлиғи ўринбосари Р.К., фуқаро Н.га ўзини кадастр бошқармаси ходими сифатида таништириб, унга 2 000 АҚШ доллари эвазига туман ҳокимлиги захирасида бўлган 1,4 гектар ер майдонини танишлари орқали боғ ташкил этиш учун ҳужжатларни расмийлаштириб беришга ишонтириб, 1 000 АҚШ долларини фирибгарлик йўли билан олган вақтида ашёвий далиллар билан ушланган.
Мазкур ҳолат юзасидан Р.К.га нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
