Ўзбек халқидек чойхўр халқ бўлмаса керак. Сал тобимиз қочса, ёки уйимизга меҳмон келса дарҳол айтиладиган гап ҳам “Иссиқ-иссиқ чойдан ичинг”, “ширин чой ичинг” ёки аччиқ қора чой, кўк чой ичинг, кабилар бўлади. Лекин баъзида чой ичиш саломатлик учун салбий оқибатларнинг ривожланишига олиб келишини биламизми?
Россиялик диетолог, тиббиёт фанлари доктори Михаил Гинзбургнинг айтишича, ошқозон билан боғлиқ муаммолардан қийналаётган одамлар чой ичмаганлари маъқул.Чунки чой меъда шираси ажралишини кучайтириб, касалликни янада авж олдириши мумкин. Шунингдек, Гинзбургнинг сўзларига кўра, биринчи навбатда, организмнинг индивидуал реакциясига эътибор қаратиш керак. Чунки баъзи ҳолларда қора чой ичиш нохушликни келтириб чиқаради, кўк чой эса, аксинча, яхши қабул қилинади. Aммо ошқозоннинг кучли яллиғланишида иккала ичимлик ҳам салбий оқибатларга олиб келиши ҳеч гап эмас.
Бундан ташқари баъзида чой ичиш гипертоникларда қон босимининг ошишига сабаб бўлишини таъкидлади. Мутахассис қора ва кўк чой хусусияти моддаларнинг ҳар хил нисбати туфайли бироз фарқ қилишини тушунтирди. Масалан, кўк чой яллиғланишга қарши таъсирга эга бўлса, қора чой тетиклаштиради.
