Тадбирда такомиллаштирилаётган «Ўзбекистон – 2030» стратегияси ҳамда «Маҳаллани ривожлантириш ва жамиятни юксалтириш» йилига оид Давлат дастури лойиҳалари жамоатчилик муҳокамасига қўйилди.
Анжуманда Олий суд, Бош прокуратура, Ички ишлар вазирлиги масъуллари, сиёсий партиялар фаоллари ва экспертлар иштирок этиб, янги даврдаги ислоҳотларнинг устувор вазифаларини тақдим этдилар.
Суд-ҳуқуқ тизимида янги кўрсаткичлар Олий суд вакили таъкидлаганидек, келгусида суд-ҳуқуқ ислоҳотларининг бош мезони инсон ҳуқуқларини ҳимоя қилиш бўлади. Дастур лойиҳасида қуйидаги аниқ мақсадлар белгиланган:
- Озодликдан маҳрум қилиш жазосини тайинлаш амалиётини 30 фоиздан 20 фоизга тушириш;
- Процессуал ҳаракатларни масофадан туриб амалга ошириш имкониятини 50 фоизга ошириш;
- Низоларни судга қадар ҳал этиш самарадорлигини 50 фоизга етказиш ва натижада судларга келиб тушадиган ишлар юкини икки баробарга камайтириш.
Рақамли технологиялар ва Сунъий интеллект Бош прокуратура вакили ўз нутқида ижро тизимига замонавий технологияларни жорий этиш масаласига тўхталди. Хусусан, суд ва бошқа орган ҳужжатлари ижроси жараёнига «Сунъий интеллект» технологиялари татбиқ этилади. Бу орқали ижро ишларининг 30 фоизини ҳеч қандай мажбурлов чораларини қўлламаган ҳолда амалга ошириш тизими йўлга қўйилиши кўзда тутилган.
Жамият ва бошқарувда трансформация Янгиланаётган стратегияда давлат бошқарувини халқ манфаатларига хизмат қилувчи очиқ тизимга айлантириш, коррупцияга қарши курашиш ва адвокатура институтини кучайтириш устувор вазифа этиб белгиланган. Ислоҳотларнинг асосий мақсади — маҳалла даражасидаги ривожланиш орқали умумий жамият юксалишига эришишдир.
Ҳозирда Давлат дастури лойиҳаси юзасидан жамоатчилик муҳокамалари давом этмоқда ва фуқаролар ўз таклифларини билдиришлари мумкин.
