Маълумки, жорий йилнинг охирди Қатарда футбол бўйича навбатдаги жаҳон чемпионати бўлиб ўтади. 2026 йилги дунё биринчилигига эса уч давлат – АҚШ, Канада ва Мексика мезбонлик қилади.
Бундан сал олдинроқ Испания ва Португалия 2030 йилги жаҳон чемпионатини биргаликда ўтказиш учун ариза бермоқчи эканлиги тўғрисида хабар берган эдик.
Куни кеча Уругвай футбол ассоциацияси Уругвай, Аргентина, Чили ва Парагвай мамлакатлари ЖЧ-2030ни ўтказиш учун қўшма ариза беришини маълум қилди. 2 август куни Жанубий Америка давлатларининг аризаси ФИФАга расман тақдим этилади.
1930 йилда Уругвай тарихдаги биринчи жаҳон чемпионатига мезбонлик қилган, 1962 йили Чилида, 1978 йили Аргентинада жаҳон чемпионати бўлиб ўтган. Парагвайда эса ҳали мундиал ўйинлари ўтказилмаган.
