Куни кеча Франция миллий жамоаси ЖЧ-2022 ярим финалида Марокашни 2:0 ҳисобида мағлуб этиб, кетма-кет икки марта чемпионат финалига йўл олди. Бунда жамоа бош мураббийи Дидье Дешамнинг хизматлари катта, албатта.
У бу кўрсаткич билан қаторасига икки мундиалда финалга чиққан тўртинчи мураббийга айланди. Дешам 2018 йили Россияда ўтган жаҳон чемпионатида жамоаси билан чемпион бўлган эди.
Бунгача италиялик мураббий Виторио Поццо (1934 ва 1938 йиллар), аргентиналик мураббий Карлос Билардо (1986 ва 1990 йиллар) ва германиялик мураббий Франц Беккенбауэр (1986 ва 1990 йиллар) жамоасини кетма-кет икки бор ЖЧ финалига олиб чиққан.
Лекин улардан фақат Поццо иккала мундиалда ҳам ғалаба қозонган. Агар Франция 18 декабр куни Аргентинани мағлуб эта олса, Дешам италиялик мутахассиснинг натижасини такрорлайди.
