Исроилнинг Тель-Авив шаҳрида дзюдо бўйича “Катта Дубулға” турнирининг сўнгги куни давом этаётган бўлса-да, мусобақа биз учун якунига етиб улгурди.
Кеча -81 кг вазн тоифасида олтин медал учун татамига чиққан дзюдочимиз Шарофиддин Болтабоев анча номдор спортчи, асли эронлик, ҳозирда Мўғулистон мамлакати шарафини ҳимоя қилаётган Саид Муллаи билан баҳс олиб бориб олтин медал билан бирга Токио-2020 олимпиадаси йўлида қимматли 1000 рейтинг очкосини ҳам қўлга киритган эди.
Бугунги баҳслардаги сўнгги спортчимиз Алишер Юсупов ҳам мағлубиятга учради. Бронза медали йўлидаги ўтиш беллашувида татамига чиққан +100 кг вазн тоифасидаги дзюдочимиз беларуслик Александр Вахавякка ютқазиб, 7-ўрин билан кифояланди. Катта танаффусдан сўнг сафга қайтган Алишер Исроилдаги турнирдан 260 рейтинг очкоси ишлаб олди.
Шу тариқа, Ўзбекистон терма жамоаси Тель-Авив "Катта Дубулға" турнирини 1 та олтин ва 2 та бронза медали билан якунлади.
Олтин.
Шарофиддин Болтабоев.
Бронза.
Сардор Нуриллаев;
Муҳриддин Тиловов.
Бронза медалини қўлга киритган спортчиларимиз мос равишда 1000 ҳамда 500 рейтинг очкосини ўз ҳисобларига қўшиб қўйишди.
