Компаниянинг таъкидлашича, бу дунёдаги энг тез қувватлайдиган ускуна саналади.
АВВ 2010 йилдан буён электромобиллар учун зарур жиҳозлар ишлаб чиқаради.
Terra 360 модулли қувватлаш ускунаси бўлиб, ёнилғи қуйиш станциясига ўхшаб кетади. Мазкур ускуна орқали 3 дақиқа қувватлантирилган электромобиль 100 километр масофани босиб ўтиши мумкин.
Terraнинг қуввати 360 кВт бўлиб, бу Tesla Superchargerга қараганда 250 кВтга юқори деганидир.
ABBнинг қайд этишича, қувватлаш воситаси электромобиль батареясини кўпи билан 15 дақиқада тўлиқ қувватлантиради.
Terra 360 қувватлаш тармоғи Европада шу йилнинг сўнггида, АҚШ, Лотин Америкаси ҳамда Осиё-Тинч океани минтақасида эса 2022 йилда ишга туширилади.
