Ўзбекистон Республикаси Президентининг 2022 йил 17 февралдаги ПФ-74-сон Фармони билан тасдиқланган рўйхатда 34 та касаллик тури аниқ белгиланган.
2022 йилнинг 1 апрелидан бошлаб, ушбу касалликларга чалинган болаларнинг қонуний вакилларига (ота-оналарига) 500 минг сўм миқдорида парваришлаш нафақасини тайинлаш назарда тутилган.
Бунинг учун мурожаатчи my.gov.uz даги «Нафақа тайинлаш учун ариза бериш» хизматидан фойдаланиши ва нафақа тури сифатида «Парваришлаш нафақаси» бандини танлаб, ариза юбориши лозим.
Хизматдан фойдаланишда ҳеч қандай ҳужжат талаб этилмайди.
Фуқаронинг нафақага бўлган ҳуқуқи тўғрисидаги маълумотлар тегишли вазирлик ва идораларнинг ахборот тизимларидан электрон шаклда ЖШШИР (ПИНФЛ) орқали текширилади. Мурожаатчи нафақа тайинланганлиги ёки рад этилганлиги тўғрисида хабардор этилади.
Маълумот учун: Жорий йилнинг 1 апрелидан ҳозирги кунга қадар 500 дан ортиқ парваришлаш нафақалари тайинланган.
