Йиғилишда Ўзбекистон энергетика вазири Ж.Мирзамаҳмудов, «Golden Horizon» компанияси президенти Виҳак Барри, «TransAtlantic Petroleum» компанияси вице-президенти Селами Урас ва бошқалар иштирок этди.
Музокаралар чоғида Дояхотин, Кулбешкак, Хожиқазғон, Саватли ва Жайҳун каби 5 та газ конларининг 3D/4D сейсмик тадқиқотлари орқали ишлаб чиқариш қувватларини ошириш, босимни ушлаб туриш технологияларини жорий этиш ва газ конларининг ишлаб чиқариш қувватларини оширишга қаратилган лойиҳани амалга оширишни жадаллаштириш имкониятлари ва бошқа йўналишлар муҳокама этилди.
Қайд этилганидек, «TransAtlantic Petroleum» 1980 йилда хусусий энергетика компанияси сифатида ташкил этилган бўлиб, нефть ва газ конларини қидириш, ўзлаштириш ва оптималлаштиришга ихтисослашган.
«Golden Horizon» портфелига (1987 йилда асос солинган) хусусан Туркиянинг Истанбул шаҳридан шимоли-ғарбий Frakiya ҳавзасидаги ер усти газ конларини бурғулаш ва ўзлаштириш, Норвегиянинг «Statoil» (Equinor) компанияси томонидан Нидерландия, Австрия ва Франция конларни ўзлаштириш, 3D сейсмик ўрганишга қаратилган лойиҳалар киради.
Учрашув якунлари бўйича лойиҳани келгусида амалга ошириш учун тижорат шартларини тайёрлаш бўйича ишчи гуруҳ тузиш, сўнгра уни белгиланган тартибда тасдиқлаш тўғрисида келишувларга эришилди, деб хабар беради Энергетика вазирлиги матбуот хизмати.
