Бу борада Қозон (Волгабўйи) Федерал Университети Елабуга Институти билан университетда бўлиб ўтган расмий учрашув ҳар икки томон учун манфаатли бўлди.
Расмий учрашувда Елабуга институти (филиали) директорининг ўқув ишлари бўйича ўринбосари Ирина Петровна Михайлова ҳамда абитуриентларни қабул қилиш ва чет эллик талабалар билан ишлаш бўлими бошлиғи Ошкина Алеся Геннадевна томонларнинг мақсад ва режаларини баён қилдирлар.
Жумладан, учрашув кун тартибидан ўрин олган психология ва педагогика йўналишларида қўшма таълимий дастурларни йўлга қўйиш, шу билан бирга бошқа таълимий йўналишларда ҳам қўшма таълимий дастурларни амалга ошириш, профессор-ўқитувчиларнинг малака ошириш ва стажировка ўташ имкониятини яратиш, талабаларнинг академик мобиллик дастурларини олиб бориш, ҳамкорликда "ВИИИ Махмутовские чтения" Халқаро илмий-амалий конференциясини ўтказиш каби муҳим масалалар делегация аъзолари муҳокамасида бўлди.
Келишувлар асосида икки томонлама ҳамкорлик муносабатларини ўрнатиш ҳамда кенгайтиришнинг устувор йўналишлари белгилаб олинди.
