Мазкур фильм ҳақида ижтимоий тармоқларда жуда кўп баҳс-мунозаралар бўлган эди. Кимдир фильмни мукофотга муносиб деса, кимдир номуносиб дея баҳолади. Вақтнинг ўзи фильмнинг қандай мукофотга лойиқ эканини кўрсатди.
“Ўзбеккино” Миллий Агентлиги буюртмасига биноан “Fox music cinema” студияси томонидан суратга олинган “Фариданинг икки минг қўшиғи” фильми (реж. Ёлқин Тўйчиев) VI Халқаро Осиё кинофестивали (Asian world film festival)да “The snow leopard award” мукофотига сазовор бўлди.
2014 йилдан буён Лос-Анджелесда ўтказиб келинаётган ушбу халқаро кинофестивалда Осиё минтақасининг 50 мамлакатидан турли жанрдаги фильмлар саралаб олинади.
Мазкур кинофестиваль Осиё ва Голливуд кино саноати ўртасидаги алоқаларни мустаҳкамлашга хизмат қилади.
