Филиппин жанубида юз берган 7,8 магнитудали зилзила оқибатида камида бир киши ҳалок бўлди ва тўрт киши жароҳат олди.
Phivolcs давлат сейсмология агентлигининг маълумотларига кўра, зилзила кучи Хенерал Сантос шаҳрида Рихтер шкаласи бўйича 7 баллгача етган. Давао шаҳрида барча даражадаги ишлар ва дарслар тўхтатилган. Зарарни баҳолаш ишлари олиб борилмоқда.
Phivolcsнинг хабар беришича, цунами тўлқинлари оддий сув оқимларидан бир метрдан кўпроққа юқорилаши ва бир неча соат давом этиши мумкин.
Филиппин Президенти кичик Фердинанд Маркос табиий офатларга қарши кураш бўйича Миллий агентликка жавоб чора-тадбирларини мувофиқлаштириш вазифасини топширди, Ижтимоий таъминот департаментига эса гуманитар ёрдам ва эвакуация марказларини тайёрлаш бўйича кўрсатма берди. Шунингдек, у Минданаонинг жабр кўрган ҳудудларида таълим муассасаларидаги ўқув машғулотларини вақтинча тўхтатишни буюрди, деб хабар берди kommersant.ru.
