Авиакомпания маълумотларига кўра, бундан ташқари, сўнгги 14 кун ичида Буюк Британия, Италия, Германия, Дания, Австрия, Австралия, Нидерландия ва Жанубий Африкада бўлган ва учинчи давлатлар орқали Ўзбекистонга кириб келган Ўзбекистон фуқаролари ва фуқаролиги бўлмаган шахслар ўз ҳисобидан 14 кунлик карантинга олинади.
Аввалроқ коронавируснинг янги мутацияси аниқлангани ҳақида хабар берилган эди. У нафақат Буюк Британияда, балки Дания, Голландия, Италия ва Австралияда ҳам топилган.
Олимларнинг фикрига кўра, вируснинг янги штамми сентябрь ойида пайдо бўлган ва ноябрь ойининг ўрталарига қадар аҳоли орасида оз миқдорда тарқалди. Белгиланган чекловларга қарамай Кент графлигида касаллик камаймаётгани сабаби ўрганилганда ушбу мутация аниқланди. У Лондон ва Эссексда тез тарқалиб, ушбу ўзгариш билан боғлиқ кластер топилди.
Ҳозир дунёда SARS-CoV-2нинг тўрт мингга яқин тури мавжуд. Аммо бу мутация бир қатор хусусиятларга эга, шу туфайли олимлар унга эътибор беришмоқда.
Вируснинг ушбу ўзгартирилган версиясида энг муҳими бошоқли оқсилдаги N501Y мутацияси бўлиб, у орқали вирус инсон ҳужайралари ва унинг ACE2 рецепторлари билан боғланади. Сичқонларда олиб борилган тадқиқотларда ушбу мутация вируснинг мазкур рецептор билан боғланишини яхшилаган ва шунга кўра юқумлилигини оширган
