ОАВ Афғонистонда самолёт ҳалокати ҳақида хабар бермоқда.
Айрим маълумотларга кўра, бу «Gazpromavia»нинг Falcon 10B (RA-09011) самолёти бўлиб, Ҳиндистоннинг Гая шаҳридан Тошкентга учаётган бўлган.
Бизнес-джет экипажи Гая (Ҳиндистон) – Тошкент (ёқилғи қуйиш) – Жуковский (Москва) йўналиши бўйича парвоз қилаётган эди. Тожикистоннинг Кўлоб аэропортига яқинлашганда радарлардан ғойиб бўлган.
Экипаж 19.05 да фавқулодда ёқилғи қолгани ва Кўлоб аэродромига қўнишга қарор қилингани ҳақида хабар берган. Кейинчалик, битта, кейин эса иккинчи двигателнинг ишдан чиққани айтилган. Самолёт бортида 8 киши — 4 йўловчи ва 4 экипаж аъзоси бўлган.
