Ижтимоий тармоқларда «Самарқандда юк машинаси ва LADA Largus билан тўқнашиши натижасида юк машинаси ёниб кетди» сарлавҳаси остида тарқалди.
Бугун, 31 октябрь куни М-39 «Тошкент-Термиз» автомобиль йўлининг Самарқанд вилояти ҳудудида ҳаракатланиб кетаётган «DAF» русумли юк автомашинаси ҳайдовчиси бошқарувни йўқотиб, «LADA» русумли автомашинага бориб урилган ва йўл-транспорт ҳодисаси содир этган.
ЙТҲ натижасида юк автомашинасида ёнғин келиб чиққан.
Шунга кўра, 2 та ёнғин-қутқарув экипажи соат 15:32 да воқеа жойига етиб борган ва ёнғин соат 15:50 да бартараф этилган.
Ёнғин натижасида юк автомобилининг салон, қисман юкхонаси ва унга ортилган маҳсулотлари ёниб зарарланган.
Ҳодиса оқибатида ҳалок бўлганлар йўқ.
