Инспекциянинг Кўчатлар, мева ва полиз қишлоқ хўжалиги экинлари уруғларини етиштиришни назорат қилиш бўлими томонидан хориждан импорт қилинган уруғлик картошкаларнинг 309 тоннаси экинбоплик сифат кўрсаткичлари бўйича номувофиқ деб топилиб, тегишли тартибда далолатномалар тузилди.
Жумладан, "Bananza Trade Export" МЧЖнинг Голландиядан импорт қилинган 41 тонна, “SHAMSIDDIN JALILOV DALALARI” ф/х томонидан Голландиядан импорт қилинган 160 тонна, "Shukrona Agro Fayz" МЧЖ томонидан Қозоғистондан импорт қилинган 44 тонна Гала навли картошка ва "EGOIST AST" МЧЖ томонидан Россиядан импорт қилинган 63,6 тонна Гала навли жами 309 тонна уруғлик картошкалари ГОСТ 33996-2016 давлат стандарти талабларига жавоб бермаганлиги сабабли номувофиқ деб топилиб номувофиқлик тўғрисида синов баённомалари расмийлаштирилган.
Бундан ташқари, бўлим томонидан ҳудудий бошқармалар инспекторларига ҳар куни ҳудудлардан ноқонуний, тегишли ҳужжатлари мавжуд бўлмаган уруғлик картошкаларни тарқатилишини олдини олиш бўйича топшириқлар берилиб, қатъий назорат қилиб борилмоқда.
